Ысык-Көлдө жол кырсыгынан 2 адам каза болду. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, Балыкчы-Чолпон-Ата-Каракол унаа жолунун Тору-Айгыр айылы аркылуу өткөн бөлүгүндо Hyundai Sonata жана КамАЗ унаалары кагылышкан.
Кырсыктын кесепетинен 2 киши каза болуп, бирөө жаракат алган.
Куткаруучулар каза болгон жарандардын сөөгүн унаадан чыгарып, милиция кызматкерлерине өткөрүп беришкен.
Ал эми жабыркаган жаранды “Тез жардам” кызматы Чолпон-Ата шаардык ооруканасына жеткирген.
