Кечээ, 13-августта Ысык-Көл облусунун Чолпон-Ата шаарында 19 жаштагы жигит көлгө чөгүп кетти. Бул тууралуу Өзгөчө кырдаалдар министрлигинин маалымат кызматынан билдиришти.
Маалыматка ылайык, окуя Ысык-Көл районунда 13-август күнү саат 15:58 чамасында Чолпон-Ата шаарында болгон. Анда 2001-жылы туулган киши көлгө чөгүп кеткен.
Куткаруучулар маркумдун жансыз денесин суудан чыгарып, ИИМдин кызматкерлерине өткөрүп беришкен.
