5-декабрь күнү Ак-Суу районуна караштуу Кереге-Таш айлынын Жаздыбаев көчөсүндөгү үйлөрдүн биринин чөп күйүп жаткандыгы тууралуу маалымат түшкөн. Бул тууралуу Өзгөчө кырдаалдар министрлигинен билдирди.
Маалыматка караганда, жерине Ак-Суу районунун №39 өрткө каршы куткаруу бөлүмүнөн бир бөлүкчө тартылган. Өрт саат 16:55де чектөөгө алып, 19:41де толук өчүрүлгөн. Тилсиз жоонун кесепетинен жалпы 900 түк чөп, 120 түк саман күйгөн.
Такталган маалыматка ылайык, өрт кырсыгынан жабыркагандар жок. Учурда өрттүн келип чыгуу себеби такталууда
Телеграм каналыбызга катталыңыз