Бүгүн, 6-августта Ысык-Көл облусунда көлдү сүзүп өтүүгө аракет кылган спортчу чөгүп кетти. Бул тууралуу Өзгөчө кырдаалдар министрлигинен билдиришти.
Маалыматка ылайык, бүгүн болжол менен саат 13:00дө Тоң районунун Кара-Шаар айылынан Ысык-Көл районунун Тору-Айгыр айылын карай 15 спортчу сүзүп өтүүгө чыккан. Көлдүн ортосуна жеткенде чоң толкун болуп, 1 спортчу дайынсыз жоголгон.
Спортчуну издөө иштерине 8 куткаруучу тартылган. Учурда чөккөн спортчунун аты-жөнү такталууда.
Бардык жаңылыктар Телеграм каналда