Ак-Суу районунда жергиликтүү тургундан жоголуп бара жаткан күрөң аюунун эки териси табылды. Бул тууралуу Ысык-Көл облусунун ички иштер башкармалыгынын басма сөз кызматы билдирди.
Маалым болгондой, Сары-Жаз өрөөнүнүн жашоочусунун үйүн тинтүү учурунда тиешелүү уруксат кагаздары жана ок-дарылары жок курал табылып, алынган.
«Кылмыш иши козголуп, экспертизалар дайындалды. Күрөң аюунун табылган терилеринин кайдан келгени такталууда», — деп билдиришти башкармалыктан.