Ысык-Көлдө 25-сентябрдан бери дайынсыз болуп жаткан 11 жаштагы блогер Бекболот Турдушев табыла элек. Бул тууралуу Reporter.kg’ге облустук милициядан билдиришти.
Маалыматка караганда, 26-сентябрда милицияга Бекболот Турдушевдин атасы кайрылып, уулун издөөгө жардамдашууну суранган. Ал Каракол шаарына чогуу келишкенин, андан кийин 25-сентябрда болжол менен саат 15:00до уулу шаардагы досторуна жолугууга кетип, дайынсыз болуп жатканын билдирген.
Облустук милиция Бекболот Турдушевди издөө иштери уланып жатканын, жакынкы араларда табылып каларын билдирди.
Эскерте кетсек, Бекболот Турдушев 2021-жылы белгилүү болгон. Ал президент Садыр Жапаровго кайрылуу жасап, өзүнүн Балбай айылына мектеп жана бала бакча куруп берүүнү суранган. Кийинчерээк ал президент менен жолугушкан.
Биздин Телеграм каналга катталыңыз