Бүгүн, 22-ноябрда Ысык-Көл облусунда эки ирет жер титирөө болду. Бул тууралуу Өзгөчө кырдаалдар министрлигинен билдиришти.
Маалыматка караганда, саат 03:26да Ысык-Көлдө очогунда күчү 3,5 баллга жеткен жер титирөө катталган. Жер титирөө Ак-Суу районунун Ак-Булуң, Совет айылдарында 3,5 балл, Нововознесеновка, Жыргалаң, Боз-Учук, Качыбек, Ак-Булак айылдарында, Түп районунун Сары-Тологой айылында 3 балл, Токтоян, Кең-Суу, Каркыра айылдарында, Ак-Суу районунун Ичке-Жергез, Отрадное айылдарында 2,5 баллга чейин сезилген.
Ошондой эле, саат 04:34тө облустун аймагында очогунда күчү 3 баллга жеткен жер силкинүү болгон (афтершок). Жер титирөө Ак-Суу районунун Совет айылында 3 балл, Ак-Чий, Ак-Булак, Нововознесеновка, Ак-Булуң айылдарында, Түп районунун Сары-Тологой айылында 2,5 баллга чейин сезилген.
Алдын ала маалымат боюнча, жер титирөөдөн жабыркагандар жана кыйроолор катталган жок.
Биздин Телеграм каналга катталыңыз