Бүгүн, 22-августта Ысык-Көлдүн Чолпон-Ата шаарында самбо боюнча дүйнө кубогу башталды. Бул тууралуу Дене тарбия жана спорт департаментинен билдиришти.
Мелдеш 22-23-август күндөрү «Газпром-балдарга» спорт комплексинде өтөт. Таймаштар эркектер жана кыз-келиндер арасында күжүрмөн жана спорттук самбо боюнча болот.
Дүйнө кубогуна Кыргызстан, Казакстан, Өзбекстан, Түркмөнстан, Болгария, Азербайжан, Армения, Кытай, ФИАС 1 (Россия), ФИАС 2 (Беларус) жана Израилдин спортчулары катышууда.
Кармаштар өтө турган салмак категориялары:
Эркектер (спорттук самбо): 58, 64, 71, 79, 88, 98, 98+ кг;
Кыз-келиндер (спорттук самбо): 50, 54, 59, 65, 72, 80, +80 кг;
Эркектер (күжүрмөн самбо): 58, 64, 71, 79, 88, 98, 98+ кг;
Кыз-келиндер (күжүрмөн самбо): 59, 65, 72 кг.
Эскерте кетсек, 2022-жылдын ноябрь айында Кыргызстанда биринчи жолу самбо боюнча дүйнө чемпионаты өткөн.
Биздин Телеграм каналга катталыңыз