Бүгүн, 3-августта саат 07:40та Ысык-Көлдө жол кырсыктан эки киши каза болду. Бул тууралуу ӨКМдин басма сөз кызматынан билдиришти.
Маалыматка караганда, жол кырсыгы Балыкчы—Ананьево—Каракол унаа жолунун 24-чакырымында болгон. Анда Mercedes-Benz Sprinter жана Mitsubishi унаалары кагылышкан.
Окуя жерине куткаруучулар барып, жабыркагандарга биринчи медициналык жардам көрсөткөн. Кырсыктын кесепетинен жалпы 23 адам жабыркап, 3 киши Балыкчы шаарынын ооруканасына жеткирилген.
Каза болгон адамдардын сөөгү ИИМ кызматкерлерине өткөрүлүп берилген.
Бардык жаңылыктар Телеграм каналда