Ысык-Көлгө чөгүп бара жаткан 18 жаштагы жигитти милиционерлер куткарып калышты. Бул тууралуу ИИМдин басма сөз кызматы билдирди.
Маалыматка караганда, окуя 20-июлда саат 18:45 чамасында «Алтын-Кум» пансионатында катталган.
ИИМдин Атайын багыттагы полкунун кызматкерлери Ысык-Көл облусундагы коомдук коопсуздук камсыздоо кызматы учурунда полктун Ош шаарында жайгашкан 3-батальонунун бөлүмчө командири, милициянын прапорщиги Акылтай уулу Адилет жана 2-батальондун кызматкери, милициянын старшинасы Дуулат Азатов сууга чөгүп бара жаткан 18 жаштагы жаранды куткарып калышкан.
Куткарылган Бишкек шаарынын тургунуна биринчи медициналык жардам көрсөтүшүп, тез жардам кызматына өткөрүп беришкен.
Биздин Телеграм каналга катталыңыз