Энергетика министрлигинин алдындагы Отун-энергетикалык комплексти жөнгө салуу департаментинин 31-майдагы буйругуна ылайык, Кыргызстанда 1-июндан тарта жылуулук энергиясына жана ысык сууга болгон тарифтердин баасы көтөрүлдү.
Тарифтер төмөнкүдөй болот:
Жылуулук (Гкал үчүн):
- калк үчүн – 1 миң 248 сом (буга чейин 1 миң 134,76 сом);
- бюджеттик уюмдар, башка керектөөчүлөр үчүн – 2 миң 52 сом ( буга чейин 1802 сом болгон).
Ысык суу:
- калк үчүн прибор менен эсептегенде 1 куб метрге –72 сом (буга чейин 64,3 сом);
- керектөө нормасы боюнча (айына бир адамга) –345 сом (309 сом болчу);
- Өнөр жай объектилери, бюджеттик керектөөчүлөр жана башка керектөөчүлөр үчүн – 117 сом (буга чейин 103 сом болгон).
Эскерте кетсек, Бишкекте 1-июндан тарта ичүүчү сууга жана канализацияны колдонууга болгон төлөмдөр жогорулган.
Тарифтер сууга төмөнкүдөй болот:
- калк үчүн – 10,45 сом (буга чейин 8,1 сом);
- бюджеттик уюмдар үчүн – 12,95 сом (буга чейин 9,1 сом);
- башка керектөөчүлөр үчүн – 18,5 сом (буга чейин 13 сом).
Канализацияга төмөнкүдөй болот:
- калк үчүн – 3,45 сом (буга чейин 2,3 сом)
- бюджеттик мекемелер үчүн – 4,5 сом (буга чейин 3 сом);
- башка керектөөчүлөр — 9 сом (буга чейин 6 сом болгон).
Биздин Телеграм каналга катталыңыз