Он жылга жетпеген убакытта жерде суу ресурстарынын глобалдык тартыштыгы жаралат. Бул тууралуу ЮНЕСКОнун 22-мартта жарыялаган докладында айтылган.
Эксперттердин айтымында, 2030-жылга чейин суунун тартыштыгы 40 пайызга чейин өсөт жана башка глобалдык көйгөйлөр кырдаалды курчутат деп ишенишет.
Ал эми COVID-19илдетинин кесепетинен келип чыккан глобалдык кризис суу менен камсыз кылуу көйгөйүн ачыктап көрсөткөн. Бүгүнкү күндө эки миллиарддан ашуун адам таза сууга муктаж.
Докладда заманбап дүйнөдө суу ресурстарын сактоо үчүн жетиштүү аракеттер көрүлбөгөнү айтылат. Мындан улам, ЮНЕСКО экономикалык ресурстарды гана эмес, суу ресурстарын бөлүштүрүүдөн келип чыгуучу потенциалды эске алган моделди иштеп чыгууга чакырат.