Чүй облусунун Жайыл районунда 15 адам тамакка уланып ооруканага түштү. Маалыматты Саламаттык сактоо министрлигинин басма сөз кызматы тастыктады.
Маалым болгондой, окуя 31-декабрда Жайыл районунун Алексеевка айылында болгон.
Тамактан уулангандар бир үйдө майрам тосуп отурушкан. Алардын ичинен 12 адам конок, калгандары үй-бүлө мүчөлөрү болгон.
Жабыркагандар дароо ооруканага кайрылып, аларга инфекциялык жана жандандыруу бөлүмүндө медициналык жардам көрсөтүлгөн. Учурда ууланунун себептери такталууда.