Чүйдүн Аламүдүн райондук соту жазуучу, публицист Олжобай Шакирге чыгарган өкүм боюнча жактоочулар облустук сотко апелляция менен кайрылат. Бул тууралуу журналисттерге жактоочу Ахмат Алагушев билдирди.
Белгилүү болгондой, 14-майда сот жазуучуну «массалык башаламандыктарга чакырык жасоого» күнөөлүү деп таап, 5 жылга абакка кести. Олжобай Шакир күнөөнү мойнуна алган жок.
Жактоочу Ахмат Алагушев Олжобай Шакирге чыккан соттун өкүмүн мыйзамсыз деп эсептей турганын жана ал боюнча облустук сотко апелляция берерин билдирди.
Сүрөт: kloop.kg