Жогорку Кеңештин мурдагы депутаты Мейкинбек Абдалиев Борбордук шайлоо комиссиясынын мүчөсү болду.
Анын талапкерлиги бүгүн, 5-сентябрда парламенттин жыйынында каралды. Жашыруун добуш берүүнүн жыйынтыгы менен Абдалиевдин талапкерлигин 79 депутат колдоду.
Эскерте кетсек, Мейкинбек Абдалиев парламенттеги «Ата-Журт Кыргызстан» фракциясынын депутаты болгон. Ал август айынын ортолорунда мандатын тапшыруу тууралуу арыз жазган. БШК 19-августта өткөн отурумунда Абдалиевдин депутаттыктан кетүү чечимин колдогон.