Алдын ала маалымат боюнча 27 май күнү саат 19:10до нөшөрлөп жааган жаандын кесепетинен улам, кокту-колоттордон келген сел суулар Аксы районуна караштуу Кара-Суу айыл өкмөтүндө жайгашкан 2 турак үйдүн короосун каптаган.
Андан сырткары Топ-Жаңгак-Кызыл-Көл автоунаа жолдун айрым жерлерине кум-шагылдар түшүп жолду жабып калган деген маалымат түшкөн.
Белгиленген аймакка Аксы районунан ыкчам топ тартылган. Бул туурасында Өзгөчө кырдаалдар министрлигинен кабарлашты.