Бүгүн, 29-майда Жалал-Абад шаарындагы темир ширетүүчү заводдун меши жарылып, 7 киши облустук ооруканага түшкөнүн Турмуш басылмасы жазып чыкты.
Маалыматка караганда, ооруканага кайрылгандарды төртөө алгачкы медициналык жардам алып үйлөрүнөн дарыланганы кетишкен. Ал эми анын үчөөнүн денелеринин 90 пайызы күйүп калган.
Жалал-Абад облустук оорукананын маалыматы боюнча үч жабырлануучунун абалы оор. Алар бүгүн саат 3:53тө ооруканага түшкөн.
Жарылуудан жабыркагандарга куткаруучулар жана чогуу иштешкендер жардам беришкен.