Жалал-Абад шаарында өз үйүнө асынып алган 28 жаштагы кыздын окуясы боюнча териштирүү башталды. Бул тууралуу Жалал-Абад облустук ички иштер башкармалыгынан кабарлады.
Маалыматка ылайык, 26-сентябрда аталган шаардын Спутник кичи районундагы көп кабаттуу үйлөрдүн биринде Базар-Коргон районунун тургуну А.А. өзүнүн үйүнүн ашканасында газдын түтүкчөсүнө шарф менен асынып турган абалда табылган.
Бул окуя Кылмыштардын жана жоруктардын бирдиктүү реестрине катталып, сотко чейинки өндүрүш иши ачылган. Ошондой эле тиешелүү экспертизалар дайындалган. Кыздын денесине алгачкы кароо жүргүзгөндө күч колдонулган белгилер аныкталган эмес. Учурда окуя боюнча текшерүү иштери жүргүзүлүп жатат.