Жалал-Абад облусунда бир аптада 12 мас айдоочу аныкталды. Бул тууралуу облустук Жол кыймылынын коопсуздугун камсыздоо бөлүмүнүн басма сөз кызматынан билдиришти.
Маалыматка караганда, 02-январдан 09-январга чейин облустук Жол кыймылынын коопсуздугун камсыздоо бөлүмүнүн кызматкерлери тарабынан, 1048 жол эрежелерин бузган айдоочулар аныкталган.
Анын ичинен 12 айдоочу автоунааларын мас абалында, 380 айдоочу каттуу ылдамдыкта, 4 айдоочу алдыңкы терезелерин караңгылатып алгандыгы үчүн, ж.б. жол эрежелерин бузгандыгы үчүн 652 айдоочуга протоколдор түзүлгөн. Жалпы 36 автоунаа атайын айып короого коюлган.