Жалал-Абад шаарында курал менен коркутуп адам тоноп жүргөндөр кармалды. Бул тууралуу облустук милициядан кабарлашты.
Маалыматка ылайык, 19-августта саат 10:00дөр чамасында шаар тургунун көчөдө бара жаткан жеринен 4 бейтааныш адам курал менен коркутуп, автоунаа менен башка жайга алып барып тоношкон. Алар аталган адамдын кымбат баалуу 2 уюлдук телефонун тартып алышкан.
Келтирилген материалдык чыгым 45 миң сомдон ашык акчаны түзгөн.
Бул окуя боюнча ыкчам иликтөө иштери башталып, шаар тургунун тоногон 4 адамдын үчөө кармалган.
Алардын жанынан 2 телефон жана 1 тапанча табылган.
Шектүүлөрдүн экөө Сузак районунун, бирөө Жалал-Абад шаарынын тургундары экени аныкталган.
Алар убактылуу кармоочу жайга киргизилип, сотко чейинки өндүрүш иштери башталган.
[su_image_carousel source=»media: 38870,38871,38869,38867″ crop=»none» autoplay=»4″]