Жалал-Абадда чет өлкөлүк жарандарды жана аткезчилик жүктөрдү Өзбекстанга тоннель аркылуу өткөрүп жүргөн жаран кармалды. Бул тууралуу Ош облустук милициясынан билдиришти.
Маалым болгондой, 5-апрелде «Достук» бекетине жакын жерден чек араны мыйзамсыз кесип өткөн Өзбекстандын 40 жаштагы Х.Б. аттуу жараны кармалган.
Өзбекстандын жараны
Аталган фактыга байланыштуу Кылмыш-жаза кодексинин 378-беренеси (мамлекеттик чек арадан мыйзамсыз бузуп өтүү) боюнча кылмыш иши козголгон.
Тергөө амалдары учурунда жарандарды кыргыз-өзбек чек арасынан жашыруун тоннель аркылуу мыйзамсыз өткөрүп жүргөн адам бар экени аныкталган. Бул факт боюнча 168-беренеге (мыйзамсыз миграцияны, мигранттарды мыйзамсыз алып келүүнү (алып чыгууну) уюштуруу) ылайык дагы бир кылмыш иши козголгон.
12-апрелде Өзбекстандын жарандарынан акча алып, жашыруун тоннель аркылуу өткөрүп жаткан Жалал-Абаддын 39 жаштагы К.Х. аттуу тургуну кармалган.
Кыргызстандын жараны
Анын үйүндө тинтүү иштери жүргүзүлүп, аткезчилик жол менен алынып өткөн 87 кутудагы дары-дармектин 41 түрү (арасында психотроптук дарылар да бар) табылын алынган. Табылган дары-дармектерге тийиштүү экспертизалар дайындалды.
Эскерте кетсек, буга чейин Жалал-Абадда кыргыз-өзбек чек арасында жашыруун 2 тоннель табылган.
Сузакта аткезчилик жүк ташуу үчүн казылган дагы бир тоннель табылды (видео)