Жалал-Абад облусунда мыйзамсыз курал сактагандарга карата жүргүзүлгөн түшүндүрүү иштеринин натыйжасында 13 даана ок атуучу курал алынды. Бул тууралуу облустук милициянын басма сөз кызматы кабарлайт.
Алынган куралдардын 12си сайсыз ок атуучу курал, бирөө травматикалык тапанча.
“Жарандар куралдарды чоң атасынан калып кеткендигин, же таап алышкандыктарын айтып, куралдарды өз ыктыярлары менен тапшырышты”, — деп жазылат маалыматта.
Жыл башынан бери ок атуучу куралга байланышкан – 54 факты аныкталган болсо, былтыркы жылы бул көрсөткүч – 51ди түзгөн.
иллюстрациялык сүрөт