Жалал-Абадда балдар аянтчасында аял 12 жашар баланы сабап салды. Анын видеосу интернетке жарыяланды. Шаардык милициянын маалыматында, окуя 17-август күнү болгон. Уулуна болушкан аял бөтөн балага кол көтөрүп, күбөлөр аны араң токтоткон. Өспүрүмдүн денеси көгөрүп, мээси чайкалып, ооруканага кайрылган. Жабыркаган баланын апасы милицияга арыз жазды. Тергөө башталып, соттук-мелициналык экспертиза дайындалды.