Жалал-Абадда күйөөсүнөн токмок жеген аял милицияга арыз жазып, иш териштирилүүдө. Бул тууралуу Reporter.kg’ге шаардык ички иштер башкармалыгынан билдиришти.
8-август күнү келин ооруканага кайрылып, аны күйөөсү сабаганын айткан. Зомбулукка кабылган жаран 9-август күнү гана арыз жазып, анын жаракаттарын аныктоо үчүн соттук-медициналык экспертиза дайындалды.
Ошол эле күнү күйөөсү тергөөгө жеткирилип, ал уруш учурунда аялы колун тиштеп алгандыктан бетине чаап салганда мурду канап кеткенин айткан.