Жалал-Абад ички иштер башкармалыгынын басма сөз кызматы милиция кызматкерлери шайлоо участокторуна бөлүнгөнүн кабарлады.
Маалыматка караганда, облусунун аймагында жайгашкан шайлоо участокторундагы коомдук тартипти көзөмөлдөөгө бөлүнгөн милиция кызматкерлерине шайлоо күнү жана ага чейин тейлеген аймактарында жоопкерчиликтүү кызмат өтөө керектиги айтылып, тиешелүү буйруктар жеткирилген.
Шайлоого карата атайын инструктаждар өткөрүлүп, кызматкерлерге маалымат баракчалары таратылган.
Жалал-Абад облусунун аймагындагы шайлоо участокторунда жалпысынан 700дөн ашуун милиция кызматкери коомдук коопсуздукту камсыздайт. Милицияга 350дөн ашуун башка күч түзүмдөрдүн кызматкерлери, 300дөй ИИОнун ардагерлери жана 2000ден ашуун элдик кошуун көмөктөшөт.
[su_image_carousel source=»media: 53673,53674,53675,53676,53677″ crop=»none» autoplay=»4″]
