Жалал-Абад шаарында Пушкин көчөсүнө жаңыдан асфальт төшөлүп, бүгүн, 9-августта пайдаланууга берилди. Бул тууралуу шаардык мэриядан билдиришти.
Жолдун ачылуу аземине УКМКнын төрагасы Камчыбек Ташиев, облус башчысы Абсаттар Сыргабаев, мэр Эрнисбек Ормоков баштаган жергиликтүү бийлик өкүлдөрү, калаа тургундары катышкан.
Узундугу 2 чакырым, туурасы 20 метрди түзгөн жолго жаңы асфальт басууга 70 млн сом сарпталган.
«Пушкин көчөсү – Жалал-Абад шаарынын негизги жолдорунун бири. Аталган көчө 2018-2019-жылдары кеңейтилип, бирок кеңейтилген бөлүгүнө гана убактылуу асфальт басылган болчу», — деп билдиришти мэриядан.
2023-жылы Жалал-Абад шаарында жалпы 13 чакырым тротуарга жана 20 чакырым жолго асфальт төшөө пландалган.
Биздин Телеграм каналга катталыңыз