Базар-Коргон районунда күчү 3 баллга жеткен жер титирөө катталды. Бул тууралуу Өзгөчө кырдаалдар министрлигинен билдиришти.
Маалыматка ылайык, Базар-Коргон районунун Үч-Булак айылында жана Ноокен районунун Тоскоол айылында жер титирөө катталды.
Жер титирөө бүгүн, 22-апрелде таңкы саат 04:32де катталып, очогунда күчү 3 баллга жеткен.
Жер титирөөдөн жабыркагандар жана кыйроолор катталган эмес.