12-декабрь Жалал-Абад шаарынын Курортный ключ көчөсүндөгү жайгашкан, адырда отоп жүргөн жылкылар кокустуктан турак үйдүн чатырына кулап, ичине түшүп кеткен. Турак үй адырдын боюнда жайгашкан. Бул тууралуу Өзгөчө кырдаалдар министрлинин маалымат кызматынан билдиришти.
Жаралган кыйынчылыктан улам аталган үйдүн ээси саат 11:25дө Жалал-Абад шаардык өзгөчө кырдаалдар бөлүмүнө жардам сурап кайрылган. Беш куткаруучу жылкыларды турак үйдөн чыгарып, ээсине өткөрүп беришкен.
