Жаза аткаруу мамлекеттик кызматы №1 тергөө абагында болгон окуя боюнча түшүндүрмө берди.
Белгилей кетсек, 5-июндан 6-июнга караган түнү, аталган тергөө абагында шарактаган үндөр угулуп, камактагылар камералардын эшиктерин ургулап, абак админстрациясына нааразычылыктарын билдиргени айтылууда.
Бирок ЖАМК абакта эч кандай нааразычылык өтпөгөнүн айтып , камактагылар туулган күн тоскону тууралуу билдирүү тартты.
“Камактагылардын ичинен бир адамдын туулган күнү болгон. Алардын бири-бири менен сүйлөшүүгө мүмкүнчүлүгү жок болгондуктан, камеранын эшиктерин каккылап, туулган күн ээсине өз куттуктоолорун билдиришкен. Андан соң түрмө кызматкерлери “эс алуу маалын” жарыялап, баарын тартипке келтирген”, – деп билдирет ЖАМК.
ЖАМК мындай көрүнүш дүйнөнүн бардык өлкөлөрүндөгү камак жайларында бар экенин кошумчалады.