Жаза аткаруу мамлекеттик кызматынын төрт кызматкери коронавирус жуктуруп алган. Бул тууралуу саламаттык сактоо министринин орун басары Нурболот Үсөнбаев 17-майда брифингде билдирди.
Анын айтымында, бирөө Бишкектеги №1 тергөө абагынын кызматкери, калганы башка түзөтүү абактарында иштеген кызматкерлер.
“Учурда алар Бишкектеги жугуштуу илдеттер ооруканасында дарыланып жатышат. Абалдары жакшы. Алар менен байланышта болгондордун баары лабораториялык иликтөөдөн өткөрүлүп жатат”, — деп билдирди Үсөнбаев.