Бишкектин тегерек четтеринде аткезчилик жол менен алынып келген күйүүчү майлар сатылып жатат. Контрабандисттер жакында Ак Үйгө келип, бензин сатканы калышты. Мындай нааразычылыгын Жогорку Кеңештин жыйынында депутат Жанар Акаев айтты.
«Мамлекетти аткезчилик каптап бүттү. Бир жылда 5 миллиард сомдой күйүүчү майдын контрабандасынан бюджетке каражат түшпөй калууда. Өкмөт башчы иштей албай жаткан, аткезчиликти жок кыла албаган жетекчилерди иштен алуу керек», — деди Акаев.
