Жапониянын экс-премьер-министри Синдзо Абэден медиктер клиникалык өлүм аныкташты. Бул тууралуу Kyodo News агенттиги жазды.
Буга чейин Жапониянын Нара шаарында Синдзо Абе сөз сүйлөп жатканда белгисиз куралчан адам аны далыга эки ирет атканы маалымдалган.
«Абе ооруканага жеткирилген, бирок акыркы маалыматтар боюнча анын жүрөгү токтоп калган. Бул анын өлгөнүнөн кабар бериши мүмкүн. Бирок, маалымат тактала элек», — деп билдирген Би-Би-Синин Токиодогу кабарчысы.
67 жаштагы Синдзо Абе 2020-жылы премьерлик кызматтан кеткен.