“Империя пиццы” кафелер тармагынан жапырт уулануу боюнча кылмыш ишин козгоду. Бул туурасында Бишкек шаардык милициядан билдиришти.
Маалыматта айтылгандай, “Санитардык-эпидемиологиялык эрежелерди бузуу” беренеси менен кылмыш иши козголуп, териштирүү жүрүүдө.
Аталган кафенин тамагына ууланып Бишкектеги ооруканаларга кайрылгандардын саны 29-октябрда 318ге жетти. Алардын ичинен кырктайы өспүрүмдөр.
22-23-24-октябрь күндөрү «Империя пиццы» кафесинен тамак алып жегендер ууланганы белгилүү болгон. Бишкек шаардык Санитардык-эпидемиологиялык көзөмөл кызматы 25-октябрда аталган кафени убактылуу жабылганын кабарлаган.