Ысык-Көл облусунун Жети-Өгүз районундагы Кызыл-Суу айылында 4 батирлүү кызматтык үйүнүн курулушу аяктап, 2021-жылдын 3-ноябрында пайдаланууга берилди. Бул туурасында Улуттук коопсуздук мамлекеттик комитетинин басма сөз кызматы билдирди.
Маалыматка караганда, кызматтык үйлөрдүн курулушун подрядчы «Мега Профит» ЖЧКсы жүргүздү.
Министрлер кабинетинин төрагасынын орун басары, УКМК төрагасы Камчыбек Ташиев баштаган бийлик өкүлдөрү катышкан.
Турак-жай канча үй-бүлөгө ылайыкташкан? Канча бөлмөдөн? Бул суроолорго маалыматта жооп айтылган эмес.
