Кыргызстанда жеке медициналык мекемелер эми эмгекке жараксыздык боюнча баракчаны (больничный) электрондук түрдө берүүнү башташты. Бул жаңылык Саламаттык сактоо министрлиги тарабынан пилоттук режимде ишке киргизилди.
Эми бейтаптар mis.med.kg платформасына катталып, жеке логин жана пароль аркылуу кирүү менен өзүнүн электрондук больничныйын ала алышат. Бул система дарыгерлер менен бейтаптар ортосундагы маалымат алмашууну жеңилдетип, кагаз түрүндөгү бюрократияны кыскартууга багытталган.
Министрлик бул ыкма келечекте бардык медициналык мекемелерге жайылтыларын билдирүүдө.