Калыс-Ордо конушунан жер тилкесин мыйзамсыз бөлүп берген деп кармалган Бишкек мэриясынын бөлүм башчысы эки айга камалды. Биринчи май райондук соту кабыл алганчечимге ылайык, ал 30-ноябрга чейин №1 тергөө абагында болот.
Бөлүм башчы менен бирге кармалган С.А. аттуу аял кишиге да ушундай эле соттун чечими чыккан.
Белгилей кетсек, кылмышка шектүүлөр УКМКнын Коррупцияга күрөшүү кызматы тарабынан кармалган. Алар “А” фирмасына жер тилкесин мыйзамсыз бөлүп берүү үчүн 2 млн сом алган.