Жети-Өгүз районунда дайынсыз болгон жаран табылды. Бул тууралуу ӨКМдин басма сөз кызматы билдирди.
Маалыматка караганда, Ак-Шыйрак айыл аймагына тиешелүү Эмеген, Кайнар, Үзөңгү-Кууш кыштоосуна Кызыл-Суу айылынын 1972-жылы туулган тургуну Ж.К. 3-июнда мал караганы кеткенден бери кабар жок болуп жаткандыгы маалымдалган.
Мындан улам Жети-Өгуз райондук ӨКБден 2 куткаруучу, Ак-Шыйрак жана Кара-Сай айыл аймагынын башчылары издөөгө чыгышкан. Издөө маалында аталган жарандын унаасы Семен ашуусунда чыга албай калгандыгын жана ал ошол себептен байланышка чыкпай калганын аныкташкан. Куткаруучулар унаасын ашуудан чыгарышып чогуу келишкен.