БУУнун “Балдардын укуктары жөнүндөгү конвенциянын” 30 жылдыгына карата уюштурулган иш чаранын алкагында окуучу кыз Жогорку Кеңешке барып мектептеги коррупцияны айтып, ыйлап жиберди.
Бишкектеги №87 мектепте билим алган окуучу кыз эл өкүлдөрүнө өзүнүн мектебиндеги медсестранын уколь сайганы үчүн акча аларын айткан.
“Биздин мектепте бир гана медсестра бар. Ал биздин №87 мектептеги 2700 балага укол саят. Бирок ал аны бекер сайбай акчага саят”, — деген окуучу кыз.
Ал сөзүн жыйынтыктап бүтө электе залдагылар күлүп жибергени үчүн ыйлап жиберген.
Бирок Жогорку Кеңештин вице-спикери Аида Касымалиева кызды сооротуп, депутаттар анын туура маселе көтөргөнү үчүн кол чапканын баса белгилеген.