Жогорку Кеңештин депутаты Бактыбек Турусбеков пневмониядан сакайды. Бул тууралуу ал 14-июлда «Фейсбуктагы «баракчасына жазды.
Эл өкүлү жубайы экөө тең ооруп, учурда жакшы болуп калышканын билдирген.
Буга чейин Турусбеков эки тараптуу пневмония деген диагноз менен ооруканага жаткырылганы айтылган.
Депутат ошондой эле дарыгерлерге ыраазычылыгын айтып, көптөн бери күтүп жаткан кычкылтек концентраторлору келип түшкөнүн, жакынкы убактарда Ысык-Көл облустук жана райондук штабдарга зарыл керек болгон аймактарга таратып берүү үчүн жөнөтүлөрүн кошумчалаган.