Жогорку Кеңештин жыйындарына жүйөлүү себеби жок катышпаган депутаттардын айлыгынан акча кыркыла баштайт. Бул тууралуу бүгүн, 16-ноябрда Жогорку Кеңештин жыйынында төрага Нурлан Шакиев билдирди.
Шакиевдин айтымында, алар бүгүнтөн тарта тартипти кароого өтөт.
«Урматтуу депутаттар сиздерге эскертип айтып коеюн, ушул жумадан тарта тартипти өзүбүздөн баштайбыз. Биздин депутаттар катталып коюп, ишке келбей жүргөн, жүйөлүү себеби жок келбеген депутаттарыбыз бар. Эмгек кодексине ылайык, 8 сааттык иш тартибин толук текшерип, талап кылабыз. Жүйөсүз себептер, ар кандай шылтоолор менен жыйынга катышпаган депутаттардын эмгек маянасынан Эмгек кодексине ылайык (акчасын – ред.) кыркып, кармап калабыз», — деди ал.
Биздин Телеграм каналга катталыңыз