Жогорку Кеңештин жыйынында өзгөчө абал тууралуу президенттин жарлыгы каралган жок. Анткени ал күн тартибине киргизилген эмес.
Буга чейин экс-спикер Мыктыбек Абдылдаев өзгөчө абал тууралуу президенттин жарлыгын депуттар колдобосо деле 3 күн күчүндө болорун айткан.
Бүгүн, 10-октябрда “Ала-Арча” резиденциясында Жогорку Кеңештин кезексиз жыйыны өттү. Анда Садыр Жапаровду премьер-минстр кызматына шайлашты.
Ал жыйында белгилүү болгондой, вице-премьер-минстр Эркин Асрандиев жана ички иштер министри Кашкар Жунушалиев Жапаровдун өкмөтү менен иштешпей тургандыгын билдиришкен. Калган өкмөттүн курамы өзгөрүүсүз калды.
