Бүгүн, 21-апрелдеги Жогорку Кеңештин жыйынында «Бир Бол» партиясынын тизмеси боюнча шайланып келген Аманкул Токтоманбетов ант берди.
Эскерте кетсек, буга чейин «Бир Бол» парламенттик фракциясынын депутаты Кубанычбек Жумалиев мандатын тапшырган.
Жумалиев 4-февралда Улуттук коопсуздук мамлекеттик комитети тарабынан кармалып, коррупцияга шектелип, камакка алынган.
14-апрелде УКМК Жумалиев жалпы суммасы 1 миллиард сомдон ашык акча каражатын, коммерциялык активдерди жана кыймылсыз мүлктү өз ыктыяры менен мамлекетке өткөрүп бергендигин билдирип, эч жакка кетпөө тил каты менен үй камагына чыгарган.