Парламент өз мөөнөтүн бүтүрбөй тарайт деген кептер коомчулукта айтылып келет. Бул тууралуу Жогорку Кеңештин төрагасы Дастанбек Жумабековдун билдирүүсүн Парламенттин маалымат кызматынын жетекчиси Ибрагим Нуракун уулу өзүнүн Фейсбуктагы баракчасына жарыялады.
Төрага Дастанбек Жумабеков: «Азыркы учурда парламенттин тарашына эч кандай негиз жок. Андай демилге же сунуш да жок. Жогорку Кеңешти таратуу жол-жоболору Баш мыйзамыбызда так белгиленген», — деп билдирген