Бүгүн, 29-июнда Жогорку Кеңештин VII чакырылышынын экинчи сессиясы аяктады.
Акыркы иш күнүндө депутаттар 50дөн ашык мыйзам долбоорлорун жана парламенттин токтомдорун кабыл алышты.
Жыйында төрага Нурланбек Шакиев парламенттин 75 жыйыны (2 кезексиз) өткөрүлүп, 220 мыйзам долбоору, 1394 токтом кабыл алынып, Башкы прокурордун, Улуттук банктын жетекчилеринин, Эсеп палатасынын, Акыйкатчынын жана башкалардын отчеттору угулганын билдирди.
Депутаттар каникулга чыгышты, алар сентябрда ишин улантат. Ага чейин алар кезексиз жыйындарга чогула алышат.
Сессия Кыргызстандын гимни менен аяктады.
Биздин Телеграм каналыбызга катталыңыз