Бүгүн, 26-ноябрда Жогорку Кеңештин депутаттары кезексиз жыйынга чогула албай калышты. Күн тартибинде депутаттар Төрөбай Зулпукаров менен Асылбек Жээнбековду кылмыш жоопкерчилигине тартууга уруксат берүү боюнча башкы прокурордун сунушун кароо боюнча депутаттык комиссия түзүү маселеси каралмак.
Жыйынга сегиз гана депутат келип, каттоодон бешөө гана өттү.
Вице-спикер Аида Касымалиева кворум чогулат деп үмүт кылып, тыныгуу жарыялады. Бирок эл өкүлдөрү жумушка келүүгө макул болгон жок. Маселелерди кароо кийинки жыйынга жылдырылды.