22-декабрда Бишкектин Биринчи Май райондук соту Жогорку Кеңештин депутаты Бакыт Жетигеновдун баш коргоо чарасын өзгөрттү. Бул маалыматты Reporter.kg’ге анын жактоочусу Бактыбек Жумашев тастыктады.
Анын айтымында, буга чейин Жогорку Кеңештин депутаттары Жетигеновду кылмыш жоопкерчилигине тартууга уруксат беришкен эмес, эл өкүлүнүн баш коргоо чарасын өзгөртүү боюнча сотко УКМКнын тергөөчүсү кайрылган.
Жыйынтыгында сот Жетигеновду камактан бошотуу чечимин чыгарды.
Буга чейин ушундай эле жол менен депутаттар Асылбек Жээнбеков менен Төрөбай Зулпукаров абактан бошотулган.
Белгилей кетсек, УКМК Бакыт Жетигеновду “Бийликти курал колдонуп күч менен басып алууга даярдык көрүү” деген айыптын негизинде быйыл ноябрда кармаган.