Жогорку сот Фархат Исмаиловду депутаттык мандаттан ажыратуу тууралуу чечимди мыйзамдуу деп тапты. Бул тууралуу аталган соттон билдиришти.
Буга чейин Борбордук шайлоо комиссиясы жасалма диплому үчүн Исмаиловду депутаттык мандатынан ажыраткан. БШКнын чечимине макул болбогон депутат сотко арыз менен кайрылган. Бирок Бишкек административдик соту жана шаардык сот БШКнын чечимин мыйзамдуу деп таап, күчүндө калтырган.
Эскерте кетсек, Борбордук шайлоо комиссиясы 6-июлда Жогорку Кеңештин депутаттары Фархат Исмаилов менен Фарходбек Алимжановду мандатынан ажыраткан. Ага жасалма диплом маселеси себеп болгон. Алимжанов боюнча азырынча Жогорку соттун чечими чыга элек.