Бүгүн, 2-октябрда Кыргызстандын Төө-Ашууга жана Суусамыр өрөөнүнө кар түштү. Бул тууралуу Чүй облусунун жол кыймылынын коопсуздугун камсыздоо башкармалыгын басма сөз кызматы билдирди.
Маалыматка ылайык, аталган кызмат аба ырайынын кескин начарлашына байланыштуу айдоочуларды жолдордо этият болууга жана жайкы дөңгөлөктөрдү кышкыга алмаштырууга чакырат.
Мындан тышкары, унааларды жол эрежелерин жана аралыкты сактоону суранат.
Белгилей кетсек, Кыргызгидромет буга чейин 1-октябрдан 5-октябрга чейин республикадагы аба-ырайы кескин өзгөрө тургандыгын маалымдаган.