Милициянын кайгуул кызматкерине атырылган жаран изделүүдө. Бул тууралуу мекеменин басма сөз кызматы билдирет.
«5-феврал күнү 17:00 чамасында Манас проспектиси менен Москва көчөлөрүнүн кесилишинде өзүнүн кызматын аткарып жаткан милициянын кайгуул кызматкерине белгисиз агресивтүү жаран келип, “Манас проспектисин гана өткөрүп жатасың Москва көчөсү турат” деп жол тескөөчүсүнө атырылып, жумушуна тоскоолдук жараткан. Андан соң, Тойота-камри” үлгүсүндөгү автоунаага отуруп, кызматкерге баш ийбестен, белгисиз тарапка кетип калган», — деп жазылат маалылматта.
Бул факты майда бейбаштык беренеси менен сотко чейинки өндүрүшкө алынып, айдоочуну издөө иштери башталган.
