Грек-рим күрөшү боюнча балбан Жоламан Шаршенбеков (60 кг) Казакстанда өтүп жаткан Азия биринчилигинин финалында жеңишке жетип, экинчи жолу Азия чемпиону болду.
Шаршенбеков бүгүн, 10-апрелде Азия чемпионатынын экинчи күнүндө килем үстүнө чыккан. Ал таймашты чейрек финалдан баштап, алгач индиялык балбанды 10:0 эсебинде утуп алды.
Жарым финалда япониялык балбанды жеңип, финалга чыкты.
Ал эми финалда Шаршенбеков кореялык Хан Жае Чунг менен күч сынашып, аны 10:0 эсебинде жеңип алды.
Эскерте кетсек, Жоламан Шаршенбеков 2018-жылы Бишкекте жана 2020-жылы Индияда өткөн Азия чемпионатында күмүш байге тагынган. Ал эми, былтыр Монголияда өткөн Азия биринчилигинде алтын утуп, биринчи жолу Азия чемпиону атанган.
Биздин Телеграм каналга катталыңыз